löglegur hálfviti: laglegur andskoti: siðlaus sukkari: ;-)

sunnudagur, janúar 15, 2006

Ofdekraður í Svíþjóð

Forspjall
Eftir alveg hreint hundleiðinlegan próflestur og metnaðarlausustu próftöku íslandssögunnar fór ég heim í nafla alheimsins og henti ofan í ferðatöskur að sjálfsögðu náði ég að troða allt of miklu drasli niður á stuttum tíma og endaði með rúm þrjátíu kíló í farangur. Um kvöldið var að sjálfsögðu slegið upp veislu, þar sem litli strákurinn hennar mömmu sinnar (það breytist ekkert þó maður sé kominn alltof langt á fertugsaldurinn) var á leiðinni í svona hættulega langt ferðalag. Að ofáti loknu skutluðu Þórdís og Bergvin mér til Keflavíkur, þar sem ég gisti hjá Vigga og Maríu. Þar sátum við og kjöftuðum fram eftir nóttu þannig að nætursvefninn varð ekkert lengri heldur en ef ég hefði keyrt úr sveitinni um morguninn, en þvílíki lúxusinn að vera kominn í Leifsstöð innan við hálftíma eftir að vekjaraklukkan hringdi.
Dagur eitt
Eftir tékk inn og yfirvigtargreiðslu hélt ég upp í fríhöfnina, þar sem klukkan var ekki nema sex og ég einn á ferð kunni ég einhvernveginn ekki við að fara á barinn þannig að í fyrsta skipti á ævinni fór ég bláedrú í flug. Í fríhöfninni hitti ég Hákon, sem er með mér í deildinni, hann var á leið til Köben í skólann þar. Eftir tíðindalítið flug var lent í Kóngsins Köben þar sem ég elti bara Hákon til að ná í töskurnar o.s.frv. alltaf mjög þægilegt að þurfa ekki að spá í hlutina. Ætlunin var að Solla vinkona Mömmu sem býr í Dalby og vinnur á Stadts Bibilioteket i Lund, kæmi með lest yfir til Kastrup og gætaði mig yfir til Lundar, (hún var búin að ná í lykilinn að húsnæðinu mínu og alles) en eitthvað voru yfirvöld í Skandinavíu ekki sátt við að fá félagann í heimsókn (gæti auðvitað smitað einhverja blásaklausa sænska skólastráka af einhverju) allavega lágu lestarsamgöngur niðri. En Solla sá nú aldeilis við svoleiðis frammígripi og hringdi í húsbóndann og lét hann taka frí í vinnu til að sækja mig á bíl yfir sundið. (Bara byrjunin á ofdekrinu) Þegar yfir sundið var komið fórum við beina leið á Kämnärsvägen (3a íbúð 120, fyrir þá sem ætla að koma í heimsókn) og hentum inn farangrinum ekki leist mér nú alltof vel á húsakynnin til að byrja með, dýna á gólfinu í pínulitlu herbergi, fataskápur, tölvuborð og bókahilla en það voru bara fyrstu kynni. Síðan var haldið í sight-seeing tour um Lund og nágrenni þar sem ég hélt að ég hefði náð að læra að rata á engum tíma eftir það var farið heim til þeirra í Dalby sem er bær í ca. 10 km. fjarlægð frá Lundi (þar er staðsett ein elsta steinkirkja á norðurlöndum og þó víða væri leitað) þar fékk maður konuglegar móttökur, byrjað með kaffi,síld, bjór og íslensku brennivíni og endað á sænskri jólaskinku með öllu tilheyrandi. Eftir mat, spjall o.s.frv. keyrðu hjónin mig aftur heim á Kämnärsvägen (borið fram ca. Sjemnersvegen, fyrir fróðleiksþyrsta um sænskan framburð sem ég þykist að sjálfsögðu vera orðinn sérfræðingur í eftir nokkra daga.) Fljótlega eftir komuna þangað mætti meðleigjandinn hinn sænski Jonas á svæðið, mjög fínn gaur (kille på svensk) 21. árs held ég eðlis- stærðfræðinemi sem surfar í frístundum.

Dagur tvö
Skrásetja skyldi heimsbyggðina stendur einhversstaðar og ég er viss um ef þeir hefðu notað sænsku aðferðina hefði ,,Frelsarinn” ekki fæðst í fjárhúsi. Svíar fara eftir reglum það er alveg á hreinu. Eins og sönnum ,,Svía” sæmir var haldið fótgangandi á stað í skrásetningu, ekki labbað yfir á rauðu ljósi og tilheyrandi tiltölulega áfallalaust fann ég skrásetningastaðinn, þar var húsninu skippt niður í númeraðar stöðvar ein fyrir farangur næsta fyrir skráningu o.s.frv. (skipulag sem þekkist ekki innan H.Í.) þar sem ég var ekki með farangur, ákvað ég að standa á eigin fótum og sleppa mentorunum sem ég hef ekki enþá hitt. Skráningin tók ca. 10 mínútur með því að kaupa sænskukennslubækur. Þaðan var haldið út og tékkað á því helsta, fann HM eftir fimm mínútur System bolaget eftir 10 og þá er maður í góðum málum er það ekki.

Framhald síðar þar sem tölvan er að verða batterílaus

Hej da Gústi

miðvikudagur, janúar 04, 2006

Taugaáfall

Hélt að ég væri það sterkur á taugum að það hálfa væri nóg!
Er hinsvegar orðinn svo stressaður að mér líst ekki á blikuna.
Á eftir að:
klára að flytja
ákveða hvað á að taka með
klára að vinna
pakka niður
úbbs og smámál
læra undir skattarétt
taka helvítis prófið
fá á hreint hvort Kristján var fullur
var hann veikur
sást á röltinu á þorláksmessu (viku eftir ,,Lungnabólgu")
fara á tónleika með dvergnum

en anywhos
múhahahahah það er innan við vika í sverige
later

laugardagur, nóvember 26, 2005

Tvær undir stýri

Þegar ég lærði á bíl og það er nú ekki eins og það sé mjög langst síðan, þá var aldrei talað um að það væri öruggara að tveir bílstjórar væru undir stýri í einu. Sennilega er það ástæðan fyrir að fór sem fór með þessar gellur http://mbl.is/mm/frettir/innlent/frett.html?nid=1170529

þriðjudagur, nóvember 22, 2005

Þetta kom nú skemmtilega á óvart



Tölvunördatröll


Þú ert nýjungagjarn, yfirvegaður innipúki.

Tölvunördatröllið hefur rosalega gaman af svona könnunum. Eitt slíkt bjó þessa könnun meira að segja til! Fyrir tölvunördatröllinu er bjarmi tölvuskjásins sem huggulegur arineldur á vetrarkvöldi. Tölvunördatröllið sendir frekar tölvupóst en að tala við fólk í persónu og á fleiri vini í netheimum en raunheimum (eða kjötheimum eins og tölvunördatröllið myndi orða það). Tölvunördatröllið er náskylt vampírunni, en það vakir á nóttunni og þolir illa sólarljós (og hvítlauk).



"Live long and prosper"

Hélt að ég kynni ekkert á tölvu játa reyndar að skoða alveg helling af klámi í tölvunni, en svo er ég t.d. algjör A manneskja get alls ekki vakað alla nóttina þarf alltaf að fara snemma að sofa og vakna alltof snemma á morgnana en ekki ljúga tölvukannanir.

Hvaða tröll ert þú?

föstudagur, nóvember 18, 2005

Damn ég hef verið gabbaður

Þessi linkur er bara fyndinn stal þessu af e-i blog síðu


http://www.toxic.no/php/vis_film.php?id=82

fimmtudagur, nóvember 17, 2005

Hélt að prestar væru hálfvitar


Fram til dagsins í dag hafði ég staðið í þeirri trú að prestar væru hálfvitar (með undantekningum þó) kanski var sú skoðun byggð á því að presturinn "heima" er einn af þeim stífari og forverar hans voru og eru það líka, staðan með gaurinn heima er orðin sú að fólk nennir ekki einu sinni að hrökkva upp af því það vill ekki láta hann jarða sig. En það er önnur saga var að horfa á viðtal við Sr. Bjarna Karlsson þar sem hann var sammála þeirri skoðun minni að þó að frumvarp um réttarstöðu samkynhneigðra sé engin smá bót fyrir kynvillinga þá vantar það atriði inn í að heimila þeim trúfélögum sem vilja að gefa saman samkynhneigða og eins sagði hann að ef lögunum yrði breytt þannig að trúfélög mættu gefa saman samkynhneigða en ekki að takmarka það við Sýslumenn eins og staðan er í dag (ég meina hvað er málið að gaur í lúðrasveitabúningi megi gifta homma og lessur en ekki prestur í kjól) þá myndi hann og margir aðrir prestar gera það þó að "kirkjan" sem stofnun myndi ekki gefa út formlega heimild til þess. Þannig að í dag er þessi prestur maður að mínu skapi. Ekki það að ég sé eitthvað að fara að gifta mig, hvorki í kirkju eða hjá lúðrasveitamanninum. En þá er aðalatriðið að þetta yrði heimilað. Annars er nú soldið fyndið hvað framsóknarmenn og Sjallar eigna sér þetta frumvarp jú reyndar var það Dabbi sem skipaði ,,nefndina" sem kom með tillögur um þetta í upphafi, þo að Björg Thor og félagar hafi nú ekki viljað ganga svona langt og Dóri brosir út að eyrum á blaðamannafundi og er hommafrelsarinn með meiru, þá mynnir mig nú að það hafi verið Guðrún Ögmundsdóttir og fleirri vinstri menn sem virkilega börðust fyrir því að ,,nefndin" og ,,nefndin" á undan henni voru skipaðar. Gallinn við fyrirhugaðar lagabreytingar hins vegar er að nú er endanlega búið að eyðileggja ritgerðarefnið mitt. Hefði reyndar held ég ekki farið út í að skrifa 100 síðna ritgerð um réttarstöðu samkynhneigðra veit ekki hvort það myndi endilega troða manni inn í eitthvað feitt embætti í framtíðinni. Og eins og allir vita þá er staðreyndin sú að Money counts
L8R

Gleymdi
10. janúar
dagurinn sem verður stigið upp í flugvél og stungið af úr landi í bili. Mæting í skólann 11. janúar, ekki kominn með húsnæði, ekki búinn að fá staðfest að sé búinn að framleigja íbúðina hér, íbúðin í sveitinni ekki tilbúin til útleigu eins og til stóð, reyndar ekkert alveg tilbúið þar á bæ, margt smá tilbúið, damn hvað ég er búinn að komast að hvað ég er fjölhæfur iðnaðarmaður, tek reyndar ekki að mér iðnaðarstörf (fyrir utan klippingar) og allra síst flísalagnir. Þetta var ein lengsta og óskipulegasta setning sem ég hef skrifað lengi.

miðvikudagur, október 05, 2005

Hvernig er þetta hægt?


Kominn heim, mættur í skólann, ekkert gaman, vorum í gær að skoða myndir úr ferðinni, bara gaman hallærislegur local húmor, nice I like, is it like a small potato? en hvað með það ferðin var bara leiðinleg! Vorum ekkert með ekka yfir að vera ekki á Codex vikunni Helgi dauður, Daði dauður í sturtu, Leifur og Villi örugglega dauðir einhversstaðar að ógleymdum Einari. Þetta er náttúrulega bara illa gert að leifa manni ekki að fara á eins margar vikur og maður vill í röð. Hversvegna þarf að vera próf á miðri önn að maður tali ekki um brúðkaup for crying out loud þið eruð búin að vera saman í næstum 10 ár afhverju gifta sig þegar mig langar að vera í útlöndum. Hehehe en þetta var nottlega bara djók myndir komnar á netið skoðið áður en ferðafélagarnir sleppa í þær til ritskoðunar, ég er bara búinn að taka þær svæsnustu út

This page is powered by Blogger. Isn't yours?